Neda é oficialmente Municipio Solidario co Alzhéimer. Así llo trasladou onte o alcalde, Ignacio Cabezón Lorenzo, á presidenta de AFAL Ferrolterra (Asociación de Familiares de Enfermos de Alzhéimer e outras demencias), Milagros Prieto Gondell, nunha xuntanza celebrada na casa consistorial. A corporación aprobaba por unanimidade a declaración consciente de que o alzhéimer é o tipo de demencia máis prevalente e que, na actualidade, afecta en España a 3,5 millóns de persoas, entre as que o sufren e os seus familiares coidadores.
Deste xeito, o Concello de Neda quere, con este xesto institucional, apoiar a sensibilización e concienciación da sociedade, institucións e políticos sobre un problema socio-sanitario de primeira magnitude. E é que, declarándose “Municipio Solidario co Alzheimer”, o Concello apoia a iniciativa liderada por CEAFA (Confederación de Asociacións de Familiares de Enfermos), que reivindica a posta en marcha dunha Política de Estado de Alzhéimer.
Pola súa banda, Milagros Prieto agradeceu a adhesión do Concello de Neda.
Fuente: http://fagal.org
